سياسة الخصوصية

فلو خدمة ترد على زبائن الشركات في واتساب وماسنجر وتعليقات فيسبوك نيابة عن الشركة. الصفحة هذي توضح شن البيانات اللي نتعاملوا معاها وكيف نحميوها.

البيانات اللي نجمعوها

• رسائل الزبائن للشركة وردود فلو عليها، ومعاها رقم الهاتف أو معرّف فيسبوك والاسم الظاهر.
• تعليقات صفحات الشركات على فيسبوك وردود فلو عليها.
• الطلبات والحجوزات اللي يسجلها فلو بطلب من الزبون.
• إحصائيات صفحة الشركة على فيسبوك (الوصول والتفاعل والمتابعين) بإذن الشركة.
• أرقام هواتف أعضاء الشركة اللي يدخلوا للوحة فلو.

كيف نستعملوها

• باش فلو يرد على الزبون ويكمّل معاه المحادثة.
• باش الشركة تشوف محادثاتها وتعليقاتها وحجوزاتها في لوحة فلو.
• لإرسال رمز الدخول على واتساب لأعضاء الشركة.

ما نبيعوش البيانات، وما نستعملوهاش في إعلانات، وما نشاركوهاش مع أي طرف غير اللي يلزم لتشغيل الخدمة: ميتا (واتساب وفيسبوك) ومزوّد الذكاء الاصطناعي اللي يكتب الردود.

مين يشوف البيانات

كل شركة تشوف بيانات زبائنها بس. فريق فلو يقدر يوصلها لأغراض الدعم الفني وتشغيل الخدمة.

الحفظ والحذف

نحتفظوا بالبيانات طول ما الشركة مشتركة في الخدمة. لو الشركة طلبت إنهاء الخدمة، نحذفوا بياناتها خلال 30 يوم. والزبون يقدر يطلب حذف محادثاته من الشركة اللي تواصل معاها، أو منا مباشرة.

حذف بيانات فيسبوك

لطلب حذف أي بيانات وصلتنا عن طريق فيسبوك أو ماسنجر، راسلنا على واتساب +218946407595 واذكر اسم الصفحة اللي تواصلت معاها، ونحذفوها خلال 30 يوم ونأكدولك.

التواصل

لأي سؤال على الخصوصية: واتساب +218946407595.